Монгол, Туркийн Засгийн газрын хооронд 2018 онд байгуулсан “Нийгмийн хамгааллын хэлэлцээр”-ийг хоёр тал соёрхон баталснаар 2021 оны 3 дугаар сарын 1-ний өдрөөс эхлэн хүчин төгөлдөр болсон.
Монгол Улсын Ерөнхийлөгчийн 2021 оны сонгуульд хилийн чанадад байгаа сонгуулийн эрх бүхий иргэдийн саналыг 2021 оны 5 дугаар сарын 30-ны өдрийн Ням, 31-ний өдрийн Даваа гаргуудад Монгол Улсаас гадаад улсад суугаа Дипломат төлөөлөгчийн газрын байранд авна.
Иргэд сонгуульд оролцож, саналаа өгөхийн тулд заавал урьдчилан бүртгүүлсэн байх шаардлагатай тул сонгогчдын бүртгэлийг 2021 оны 4 дүгээр сарын 20-ны өдрөөс 5 дугаар сарын 9-ний өдөр хүртэлх хугацаанд хийнэ. Зөвхөн энэ хугацаанд бүртгүүлж, нэрс нь УБЕГ-аар баталгаажсан иргэд сонгуульд санал эрхтэй гэдгийг анхаарна уу.
Сонгогчдын нэрсийн жагсаалтад нэр нь орсон иргэд 5 дугаар сарын 30-31-ний өдрүүдэд Дипломат төлөөлөгчийн газрын байранд биечлэн ирж саналаа өгнө. Сонгогчдын нэрсийн жагсаалтад нэр нь ороогүй эсвэл Монгол Улсын Ерөнхийлөгчийн сонгуулийн тухай хуулийн 20 дугаар зүйлийн 20.9-д заасны дагуу сонгогчдын нэрсийн жагсаалтаас нэр нь хасагдсан бол сонгуульд саналаа өгөх боломжгүй. Түүнчлэн, Монгол Улсын Ерөнхийлөгчийн сонгуулийн тухай хуулийн 58, 59 дүгээр зүйлд заасан зөөврийн битүүмжилсэн саналын хайрцгаар санал авах, өгөх ажиллагаа нь хилийн чанадад байгаа сонгогчдын санал авах ажиллагаанд хамаарахгүй болно.
Иргэд сонгуульд оролцохоор бүртгүүлэхдээ бүртгэлийн маягтыг бүрэн гүйцэд, гаргацтай бөглөн, гадаадын паспортын хуулбарын хамт ЭСЯ-нд биечлэн авчрах эсвэл цахим шуудан (ankara@mfa.gov.mn, mogolelc@gmail.com), факс (+90 312 492 1064)-аар ирүүлнэ.
Жич: Бүртгэлийн маягтыг энэхүү мэдээний огнооны баруун талд байгаа дөрвөлжин дээр дарж татаж авна уу.
Монгол Улсаас БНТУ-д суугаа ЭСЯ, Истанбулд суугаа ЕКГ болон Туркэд суралцагч монгол оюутны холбоо хамтран тус улсад магистр, докторны зэрэг горилон суралцаж буй оюутнуудын дунд эрдэм шинжилгээний хурлыг цахимаар зохион байгуулав. Эрдэм шинжилгээний хуралд Туркийн 7 хотын 8 их дээд сургуульд суралцаж буй оюутнууд илтгэл хэлэлцүүлснээс Каясери хотын Эржиес их сургуулийн докторант Б.Батсайхан “ Вакцинжуулалтын дараах цар тахлын нөхцөл байдал” илтгэлээр тэргүүн байр, Анкара хотын Хажеттепе их сургуулийн магистр Э.Номин-Эрдэнэ “Халх журам хуулийн тухайд” илтгэлээр дэд байрыг тус тус эзлэв. Энэ удаагийн хурлын шүүгчдээр Измир хотын Катып Челебе их сургуулийн түүх, археологийн тэнхмийн багш, др. Р.Мөнхтулга, Истанбулын их сургуулийн монгол хэл, бичгийн багш Ч.Ганжидмаа, орчуулагч нийтлэлч Л.Каяа, Туркэд их дээд сургууль төгсөгчдийн холбооны гүйцэтгэх захирал Ч.Золжаргал нар ажиллав. Элчин сайд Р.Болд хурлыг дүгнэн хааж, Тэргүүн, Дэд байр эзэлсэн илтгэгчдийг мөнгөн шагналаар урамшуулав.
Элчин сайд Р.Болд Истанбул хотноо Туркэд анагаах ухааны боловсрол эзэмшиж, ажиллаж байгаа Монгол эмч нартэй уулзаж, тэдний санал бодлыг сонсов.
Истанбул хотод амьдарч буй иргэдийн зүгээс Монгол Улс руу дахин тусгай захиалгат нислэг хийгдэх эсэх талаар асуух, хандах явдал их байна. Истанбул хотод суугаа ЕКГ-ын зүгээс 2020 оны 03 дугаар сарын 15-наас эхлэн istnisleghuselt@gmail.com цахим хаяг нээн Монгол Улс руу зорчих хүсэлтэй байгаа иргэдийн бүртгэлийг хийж байгаа бөгөөд мэйл хаягаар нэрс авах нь Монгол Улс руу буцаана гэсэн баталгаа биш болохыг анхаарна уу.
БСШУСЯ, Харилцаа холбоо, мэдээллийн технологийн газар хамтран ерөнхий боловсролын сурагчдад зориулсан
